काठमाडौँ : राष्ट्रिय स्वतन्त्र पार्टी (रास्वपा)का सांसद राजीव खत्रीले नेपालको संविधान जारी गर्दाका बखत शीर्ष नेतृत्वमै तीव्र असन्तुष्टि रहेको र निर्माण प्रक्रियामा गम्भीर त्रुटि गरिएको भन्दै प्रश्न उठाएका छन्।
सामाजिक सञ्जालमा लेख्दै सांसद खत्रीले प्रथम राष्ट्रपति डा। रामवरण यादवको ‘खुसी भएर संविधान जारी गरेको थिइनँ, संवैधानिक बाध्यताले हस्ताक्षर गरेँ’ भन्ने भनाइ र तत्कालीन प्रधानमन्त्री सुशील कोइरालाको ‘संविधानमा धर्मनिरपेक्षता भएको मलाई पत्तै भएन’ भन्ने अभिव्यक्ति उद्धृत गरेका छन्।
संविधान सभाले जनताबाट सङ्कलन गरेका करिब दुई लाख राय(सुझावका पोकाहरूसमेत नखोली उपेक्षा गरिएको आरोप लगाउँदै उनले ८१ प्रतिशत हिन्दु धर्मावलम्बी रहेको देशमा ‘चोरबाटो’बाट धर्मनिरपेक्षता, संघीयता र गणतन्त्र भित्र्याइएको टिप्पणी गरे। ८१ प्रतिशत हिन्दु देशको संविधानमा धर्मनिरपेक्षता घुसाउने गिरोहमा को(को थिए ? यसको उत्तर दिने नैतिक धरातल कसैसँग छ? भन्दै उनले कडा प्रश्न तेर्स्याएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |