काठमाडौँ : नेपाली मौलिक खाना र रैथाने स्वादको संरक्षण तथा प्रवर्द्धन गर्ने उद्देश्यले प्रेसिडेन्ट बिजनेस ग्रुपले आश्विन २५ देखि २९ गतेसम्म ‘तेस्रो पक्कु फेस्टिभल–२०८३’ आयोजना गर्ने भएको छ। समूहले पत्रकार सम्मेलन गर्दै काठमाडौँको सुन्धारा, महाराजगञ्ज, बत्तीसपुतली र कलङ्कीस्थित आफ्ना आउटलेटहरूमा पाँच दिने खाद्य उत्सव सञ्चालन गर्न लागेको जनाएको हो ।
काठमाडौँका साथै लुम्बिनी प्रदेशको भैरहवामा हुने फुड फेस्टिभलमा समेत पक्कुको प्रवर्द्धन गरिने समूहको भनाई छ । पुस्तौँदेखि नेपाली समाजमा प्रचलित परम्परागत पक्कुलाई नयाँ पुस्ता, आन्तरिक तथा विदेशी पर्यटकमाझ परिचित गराउन विगत तीन वर्षदेखि यो उत्सव आयोजना गरिँदै आएको छ। हाल ३५० भन्दा बढीलाई प्रत्यक्ष रोजगारी दिँदै आएको ग्रुपले आगामी दिनमा बुटवल र काठमाडौँको बुढानीलकण्ठमा समेत नयाँ आउटलेट विस्तार गर्ने योजना बनाएको छ।
मौलिक खानाको बजारीकरणले स्थानीय कृषि उत्पादन, पशुपालन र पर्यटन प्रवर्द्धनमा टेवा पुग्ने आयोजकको विश्वास छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |