चितवन : राष्ट्रिय स्वतन्त्र पार्टी (रास्वपा)का सभापति रवि लामिछानेले राज्यका महत्वपूर्ण संस्थामाथि आधारहीन टिप्पणी नगर्न आग्रह गरेका छन्। शुक्रबार चितवनमा आफ्नो धारणा राख्दै उनले अदालत, प्रहरी, सुरक्षा निकाय र प्रेसजस्ता संस्थाको गरिमा कमजोर बनाउने गतिविधिले लोकतन्त्रलाई नै कमजोर पार्ने बताए।
सुनेका भरमा वा सञ्चारमाध्यममा आएका विषयका आधारमा अदालतबारे टिप्पणी गर्नु उचित नहुने उनको भनाइ थियो। अदालत, प्रहरी, निजी क्षेत्र, पेसागत संगठन र प्रेस लोकतन्त्रका महत्वपूर्ण आधारस्तम्भ भएको उल्लेख गर्दै उनले यी संस्थालाई स्वतन्त्र रूपमा काम गर्ने वातावरण बनाउनुपर्ने बताए।
लामिछानेले प्रहरी र केन्द्रीय अनुसन्धान ब्युरो (सीआईबी) लाई थप सक्षम बनाउनुपर्नेमा जोड दिए। अनुसन्धान कमजोर हुँदा भ्रष्टाचारमा संलग्न व्यक्तिले उन्मुक्ति पाउने अवस्था अन्त्य हुनुपर्ने उनको भनाइ थियो।
पद र हैसियतमा रहेका व्यक्तिलाई समेत अनुसन्धानको दायरामा ल्याउन सक्ने गरी अनुसन्धान प्रणाली प्रमाणमुखी र प्रभावकारी बनाउनुपर्ने उनले बताए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |