काठमाडौं : ललितपुरको पाटनस्थित ऐतिहासिक कृष्ण मन्दिरमा बिहानैदेखि भक्तजनहरूको भीड लागेको छ।
भगवान् श्रीकृष्णको जन्मजयन्तीको अवसरमा मुलुकभर विभिन्न धार्मिक कार्यक्रम आयोजना गरी आज जन्माष्टमी पर्व धुमधामले मनाइँदै छ। काठमाडौँसहित देशभरका कृष्ण मन्दिरमा भक्तजनहरूले बिहानैदेखि पूजा-आराधना गर्दै आशीर्वाद लिएका छन्।
विशेषगरी पाटन दरबार क्षेत्रको कृष्ण मन्दिरलाई यस दिनको मुख्य आकर्षण मानिन्छ। भक्तियोग, ज्ञानयोग र कर्मयोगका प्रणेता भगवान् श्रीकृष्णको जन्मोत्सव केवल नेपालमै नभई विश्वभरका हिन्दू धर्मावलम्बीहरूले श्रद्धा र भक्तिपूर्वक मनाउने परम्परा रहेको छ।
