काठमाडौं : नेपाल प्रिमियर लिग (एनपिएल)मा आज दुई रोचक खेल हुँदै छन् । पहिलो खेलमा चितवन राइनोज र कर्णाली याक्स भिड्ने छन् । उनीहरुबीचको खेल बिहान ११ ः ४५ बजे हुनेछ । दोस्रो भिडन्तमा दिउँसो ४ बजे विराटनगर किङ्स र पोखरा एभेन्जर्स भिड्दैछन्।
सोमबारबाट शुरू भएको एनपिएलको उद्घाटन खेलमा साविक विजेता जनकपुर बोल्ट्सलाई पराजित गर्दै काठमाडौं गोर्खाजले प्रतियोगितामा विजयी सुरुआत गरेको थियो ।
त्रिवि अन्तर्राष्ट्रिय क्रिकेट मैदान, कीर्तिपुरमा फ्लडलाइट अन्तर्गत खेल भइरहेको यो प्रतियोगिता मंसिर २७ गतेसम्म चल्नेछ।
विजेता टोलीले १ करोड १० लाख रुपैयाँ प्राप्त गर्नेछ भने उपविजेताले ५१ लाख र तेस्रो हुने टोलीले १५ लाख रुपैयाँ पुरस्कार स्वरूप बटुल्नेछन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |