काठमाडौं : नेपाली कांग्रेसका सभापति गगनकुमार थापाले सरकारले संविधान संशोधनलाई हचुवा र गैरजिम्मेवार ढंगले अघि बढाउन खोजेको आरोप लगाएका छन्। आइतबार सानेपास्थित पार्टी केन्द्रीय कार्यालयमा आयोजित कार्यक्रममा उनले संविधान संशोधन आवश्यक भए पनि ‘लफङ्गा’ शैलीमा यो प्रक्रिया अघि बढ्न नसक्ने जिकिर गरेका हुन् ।
थापाले संविधान निर्माणका क्रममा भएका सहमति, भाषा, जातीय पहिचान र विविधताजस्ता संवेदनशील विषयलाई हल्का रूपमा लिन नहुने उल्लेख गरे। यस्ता विषयमा असावधानी अपनाइए मुलुकमा द्वन्द्वको अवस्था सिर्जना हुन सक्ने उनको चेतावनी थियो।
संशोधनको उद्देश्य राज्यका संस्थालाई थप सुदृढ र प्रभावकारी बनाउनु हुनुपर्नेमा जोड दिँदै उनले सरकारलाई हतार, हचुवा र मनपरी ढंगले अघि नबढ्न आग्रह गरे। संविधान संशोधन व्यापक सहमति, जिम्मेवारी र संवैधानिक मर्यादाभित्र रहेर मात्रै सफल हुने उनको भनाइ थियो।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |