काठमाडौं : एर्लिङ हालान्डको उत्कृष्ट प्रदर्शनमा नर्वेले पाँच पटकको विश्वविजेता ब्राजिललाई २-१ ले पराजित गर्दै फिफा विश्वकप २०२६ को क्वाटरफाइनलमा ऐतिहासिक प्रवेश गरेको छ। नर्वे विश्वकप इतिहासमै पहिलोपटक अन्तिम आठमा पुगेको हो भने ब्राजिलको उपाधि यात्रा अन्तिम १६ मै टुंगिएको छ।
निर्णायक खेलमा हालान्डले ७९औं र ९०औं मिनेटमा गोल गर्दै नर्वेलाई अविस्मरणीय जित दिलाए। खेलको इन्जुरी समयमा ९०ं:१०औं मिनेटमा नेयमारले पेनाल्टीमार्फत एक गोल फर्काए पनि ब्राजिललाई हारबाट जोगाउन सकेनन्।
जारी विश्वकपमा हालान्डको गोल संख्या ७ पुगेको छ। उनी गोल्डेन बुटको प्रतिस्पर्धामा अर्जेन्टिनाका लियोनल मेसी र फ्रान्सका किलियन एम्बाप्पेसँग संयुक्त रूपमा अग्रस्थानमा छन्।
अब नर्वेले सेमिफाइनल प्रवेशका लागि क्वाटरफाइनलमा इंग्ल्यान्ड र मेक्सिकोबीचको विजेतासँग प्रतिस्पर्धा गर्नेछ। ब्राजिल भने उपाधि जित्ने लक्ष्य पूरा गर्न असफल हुँदै अपेक्षाभन्दा चाँडै प्रतियोगिताबाट बाहिरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |