बनेपा : काभ्रेपलाञ्चोक जिल्ला प्रशासनले बजार अनुगमनलाई तीव्र पारेको छ ।
बजारमा हुन सक्ने कालोबजारी, मूल्यवृद्धि र अखाद्य वस्तुको बिक्री–वितरण रोक्न प्रशासनले सक्रियता बढाएको हो । प्रमुख जिल्ला अधिकारी गोपाल कुमार अधिकारीको नेतृत्वमा खटिएको संयुक्त बजार अनुगमन समितिको टोलीले भुम्लु गाउँपालिकाको दोलालघाट आसपासका क्षेत्रमा आकस्मिक निरीक्षण गरेको छ ।
टोलीले त्यस क्षेत्रका खाद्यान्न, होटल, तथा अन्य विभिन्न पसलहरूको वस्तुस्थिति, मूल्यसूची र म्याद गुज्रिएका सामानबारे विस्तृत अनुगमन गरेको हो । अनुगमनका क्रममा कैफियत भेटिएका व्यवसायीहरूलाई तत्काल सचेत गराउँदै उपभोक्ता हितविपरीत कार्य नगर्न निर्देशन दिइएको छ । जिल्लाका अन्य व्यापारिक केन्द्रहरूमा पनि यस्तो अनुगमनलाई निरन्तरता दिइने प्रशासनले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |