बझाङको बुंगल नगरपालिकामा ब्रेक फेल भई अटो दुर्घटना हुँदा एकै परिवारका बालिकासहित चार जनाको घटनास्थलमै मृत्यु भएको छ।
बुंगल नगरपालिका-१०, टुमेडास्थित भित्री कच्ची सडकमा टुमेडागाउँबाट वडा नम्बर ११ को हिड्नेगडा बजारतर्फ जाँदै गरेको सुदूरपश्चिम प्रदेश ०१–००१ ह ७९९८ नम्बरको अटो सडकबाट भिरमा खसेको थियो।
दुर्घटनामा परि ज्यान गुमाउनेहरूमा बुंगल-१० की अन्दाजी ३५/४० वर्षीया राजमती महरा, १५ वर्षीया तारा महरा, ५ वर्षीया डल्ली महरा र ४/५ वर्षीय रियास महरा रहेका छन्। जिल्ला प्रहरी कार्यालय बझाङका अनुसार अटोमा सवार विक्रम महरा भने सकुशल रहेका छन्।
प्रहरीले दुर्घटनामा संलग्न अटो चालक २५ वर्षीय टेकबहादुर पातलीलाई नियन्त्रणमा लिई आवश्यक अनुसन्धान अगाडि बढाइरहेको छ। कच्ची सडकमा ब्रेक फेल भएका कारण उक्त दुर्घटना भएको प्रहरीको प्रारम्भिक अनुमान छ।

हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |