काठमाडौँ : समयमै मनसुन सक्रिय भएसँगै देशभर ९६ प्रतिशतभन्दा बढी धान रोपाइँ सम्पन्न भएको छ। गत वर्षको तुलनामा यस वर्ष रोपाइँको प्रगति उल्लेखनीय रूपमा सुधारिएको कृषि विभागको तथ्यांकले देखाउँछ।
विभागका अनुसार साउन २२ सम्म देशभरका १३ लाख ७० हजार ६२ हेक्टर धान खेतीयोग्य भूभागमध्ये १३ लाख १६ हजार ३९ हेक्टर ९९६.०६ प्रतिशत मा रोपाइँ सकिएको छ। गत वर्षको सोही अवधिमा ९१.३१ प्रतिशत मात्र रोपाइँ भएको थियो।
प्रदेशगत रूपमा सुदूरपश्चिममा शतप्रतिशत रोपाइँ सकिएको छ भने बागमतीमा ९७.८२, लुम्बिनीमा ९७.३७ र कर्णालीमा ९६.८२ प्रतिशत सम्पन्न भएको छ। यस्तै गण्डकीमा ९५.५७, मधेशमा ९४.६५ र कोशी प्रदेशमा ९३.६९ प्रतिशत खेती भएको छ।
पर्याप्त वर्षा र अनुकूल मौसमका कारण यसपालि रोपाइँ उत्साहजनक भएको मन्त्रालयले जनाएको छ। कुल कृषि उत्पादन र खाद्य सुरक्षाको मुख्य आधार मानिने धान रोपाइँको यो तीव्रताले यसवर्ष उत्पादन बढ्ने आशा जगाएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |