आज देशका धेरैजसो स्थानमा मध्यम वर्षाको सम्भावना

काठमाडौँ : आज देशका धेरैजसो स्थानमा बदली र मध्यम वर्षाको सम्भावना रहे पनि जल तथा मौसम विज्ञान विभागले ठूलो वा भारी वर्षाको जोखिम नरहेको जनाएको छ । हाल मनसुनको न्यूनचापीय रेखा सरदर स्थानकै आसपासमा अवस्थित छ।

विभागका अनुसार दिउँसो र राति देशभर आंशिकदेखि साधारणतया बदली रही हिमाली तथा पहाडी भूभागमा हिमपात र मेघगर्जन र चट्याङसहित मध्यम वर्षा हुन सक्नेछ। कोसी, वाग्मती र गण्डकी प्रदेशका हिमाली र पहाडी भेगमा वर्षाको प्रभाव बढी देखिने अनुमान गरिएको छ।

यसैगरी मधेस र तराईका अन्य प्रदेशमा पनि थोरै तथा एक–दुई स्थानमा चट्याङसहित मध्यम वर्षाको सम्भावना रहेकाले सामान्य सतर्कता अपनाउन विभागले अनुरोध गरेको छ।