काठमाडौं : नेपालको प्रतिष्ठित व्यावसायिक घराना ज्योति समूहले भोटेकोशी बाढीबाट प्रभावितका लागि एक करोड रुपैयाँ सहयोग उपलब्ध गराएको छ। बाढीपीडितको राहत तथा पुनःस्थापनाका लागि समूहले उक्त रकम सहयोग गरेको हो।
ज्योति समूहका अध्यक्ष पद्म ज्योतिले अर्थमन्त्री डा. स्वर्णिम वाग्लेलाई एक करोड रुपैयाँको चेक हस्तान्तरण गरेका हुन्। उक्त रकम प्रधानमन्त्री राहत कोषमार्फत बाढी प्रभावित क्षेत्रमा परिचालन गरिनेछ।
भदौ १० गते रसुवामा आएको भीषण बाढीका कारण रसुवा, नुवाकोट, धादिङ, चितवन, तनहुँका साथै पूर्वी र पश्चिम नवलपुर क्षेत्रमा ठूलो जनधनको क्षति भएको छ। प्राकृतिक विपत्तिको यस कठिन घडीमा पीडितको उद्धार, राहत तथा पुनरुत्थानमा सहयोग पुगोस् भन्ने उद्देश्यले ज्योति समूहले सामाजिक उत्तरदायित्वअन्तर्गत यो रकम प्रदान गरेको जनाएको छ। बाढी प्रभावित क्षेत्रका लागि विभिन्न संघसंस्था तथा व्यक्तिहरूबाट प्रधानमन्त्री राहत कोषमा रकम जम्मा हुने क्रम जारी छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |