काठमाडौँ : विनाशकारी बाढी पहिरोपछिको संकट व्यवस्थापनका लागि चीनले पठाएको राहत सामग्रीको पहिलो खेप आइतबार काठमाडौँ आइपुगेको छ। चिनियाँ जनमुक्ति सेनाको विशेष विमानले त्रिपाल, कम्बल, स्लिपिङ ब्याग, तयारी खाना र प्राथमिक उपचारका सामग्री त्रिभुवन अन्तर्राष्ट्रिय विमानस्थलमा उतारेको हो।
राहत सामग्रीसँगै खोज तथा उद्धार कार्यमा सघाउन चार जना तालिमप्राप्त चिनियाँ सुरुङ उद्धार विज्ञ पनि काठमाडौँ ओर्लिएका छन्।
गत भदौ १० गते आएको विपद्मा परी हालसम्म ७ सय ३४ जनाको मृत्यु भएको र २ हजार ४ सय ९८ जना बेपत्ता रहेका छन्। छिमेकी चीनले पठाएको यो सहयोग र उद्धार टोलीले प्रभावित क्षेत्रमा जारी राहत तथा खोजी कार्यमा ठूलो बल पुग्ने अपेक्षा गरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |