पोखरा : बर्खायाम सुरु भएसँगै पोखरा–जोमसोम हवाई रुटमा यात्रु सङ्ख्या घटेपछि निजी वायुसेवा कम्पनीहरूले दुई महिनाका लागि उडान स्थगित गर्ने भएका छन्।
पोखरा–जोमसोम नियमित उडान भर्दै आएको तारा एअरलाइन्सले असार २ गतेदेखि दुई महिनासम्म उडान बन्द गर्ने निर्णय गरिसकेको छ। सेप्टेम्बरको पहिलो साताबाट मात्र पुनः उडान सुरु गर्ने तयारी छ । यस्तै, समिट एअरलाइन्सले पनि असार २० देखि उडान स्थगित गर्ने तयारी गरेको छ।
जोमसोम नागरिक उड्डयन कार्यालयले मनसुनको कारण उडान प्रभावित भएको पुष्टि गरेको छ। उता सडकमार्गबाट आउने पर्यटकको संख्या पनि घटेको जिल्ला प्रहरी कार्यालयले जनाएको छ । साउन–भदौको मौसम प्रतिकूल हुने भएकाले यो समयमा जोमसोम रुटको हवाई सेवामा यस्तै अवरोध देखिने गरेको छ।
