काठमाडौं : मलेसियामा जारी एसीसी यू १६ इस्ट जोन कप क्रिकेट प्रतियोगिताको फाइनलमा नेपाल र सिंगापुर आमनेसामने हुने भएका छन्।
भर्खरै सम्पन्न दोस्रो सेमिफाइनलमा सिंगापुरले हङकङलाई ६ विकेटले हराउँदै उपाधिका लागि नेपालसँग फाइनलको स्थान पक्का गरेको हो।
पहिलो ब्याटिङ गर्दै हङकङले ४३ ओभरमा १६८ रन बनाएको थियो। जवाफमा सिंगापुरले ३८।५ ओभरमै लक्ष्य पूरा गर्दै जित निकालेको हो।
यसअघि नेपालले आयोजक मलेसियालाई ९ विकेटले पराजित गर्दै फाइनलमा प्रवेश गरिसकेको छ।
उक्त फाइनल म्याच शुक्रबार हुनेछ । यी दुई टिम यसअघि समूह चरणमै भिडेका थिए, जहाँ नेपालले सिंगापुरलाई ६ विकेटले पराजित गरेको थियो। अब उपाधिका लागि पुनः भिड्दै गर्दा नेपालले जित दोहोर्याउने लक्ष्य लिएको छ भने सिंगापुर बदला लिन दाउमा छ ।
