काठमाडौं : नेपाली गायिका शिवानी भगत र भारतीय गायक देव अहिर रावको स्वरमा सजिएको नयाँ गीत ‘कुन्नि कति खेर’ सार्वजनिक भएको छ।
आर्यतारा म्युजिकको प्रस्तुति रहेको यस गीतमा शब्द र सङ्गीत डा. सुरेश थपालियाले लेखेका तथा कम्पोज गरेका हुन्। मुम्बईस्थित एट्मोस्फेयर स्टुडियोमा रेकर्ड गरिएको गीतमा संगीत संयोजन स्वयं देव अहिर रावले गरेका छन् भने मिक्सिङरमास्टरिङ अरविन्द सोनुले गरेका छन्। गीतको म्युजिक भिडियो प्रकाश धितालले निर्देशन गरेका छन्।
भिडियोमा सागर खनाल र बिना राउतको अभिनय छ। छायाङ्कन सुबिन गोदार, सम्पादन तथा रङ संयोजन टेकेन्द्र शाहले गरेका छन्। गीत आर्यतारा म्युजिकको युट्युब च्यानलमार्फत सार्वजनिक गरिएको छ।
