काठमाडौं : काठमाडौं महानगरपालिकाको कार्यपालिका बैठक आज दिउँसो २ बजे बस्ने भएको छ।
लामो समयदेखि बस्न नसकेको बैठक बोलाउन महानगरका ४१ सदस्यले गत जेठ १२ गते मेयर बालेन्द्र शाहलाई पत्र लेखेका थिए। महानगरपालिकाका अनुसार, कार्यपालिका बैठकअघि दुईवटा महत्त्वपूर्ण बैठक बस्नेछन्। बिहान ११ बजे मेयर बालेन्द्र शाहको संयोजकत्वमा स्रोत अनुमान तथा बजेट निर्धारण समितिको बैठक बस्नेछ भने त्यसपछि उपप्रमुख सुनिता डंगोलको नेतृत्वमा बजेट तथा कार्यक्रम तर्जुमा समितिको बैठक बस्ने कार्यक्रम रहेको छ।
आज बस्ने कार्यपालिका बैठकले आगामी आर्थिक वर्षको नीति तथा कार्यक्रम र बजेट नगर सभामा पेस गर्ने निर्णय गर्नेछ। साथै, सोही बैठकले नगर सभाको मिति पनि तोक्ने जनाइएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |