काठमाडौं : राजसंस्था पुनर्स्थापना र हिन्दु राष्ट्रको माग गर्दै आन्दोलनरत संयुक्त जनआन्दोलन समितिले जेठ १९ गतेका लागि तय गरिएको काठमाडौं उपत्यका बन्द कार्यक्रम फिर्ता लिएको छ।
समितिका संयोजक नवराज सुवेदीद्वारा जारी विज्ञप्तिमा भनिएको छ, “जेठ १८ गते प्रदर्शनको क्रममा पक्राउ परेका हाम्रा सबै साथीहरू रिहा भइसकेको अवस्थालाई मध्यनजर गर्दै बन्दको कार्यक्रम फिर्ता लिएको जानकारी गराइन्छ।”
आइतबार काठमाडौंमा गरिएको प्रदर्शनका क्रममा राप्रपा नेपालका अध्यक्ष कमल थापा, राप्रपाका सांसद दीपक सिंहलगायतका नेताहरूलाई प्रहरीले नियन्त्रणमा लिएको थियो। उनीहरूको गिरफ्तारीको विरोधस्वरूप समितिले उपत्यका बन्दको घोषणा गरेको थियो।
तर, ती सबै नेताहरूलाई आइतबार साँझ नै प्रहरीले रिहा गरेपछि समितिले बन्द कार्यक्रम फिर्ता लिएको जनाएको हो।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |