काठमाडौं : नेपालको राजसंस्थाका अन्तिम राजा रहेका पूर्वराजा ज्ञानेन्द्र शाहले मंगलबार ८०औँ जन्मदिन मनाएका छन्। वि.सं. २००४ असार २३ गते जन्मिएका शाहले परिवारका सदस्यबीच सामान्य रूपमा जन्मोत्सव मनाएका हुन् ।
उनको जन्मदिनका अवसरमा शुभेच्छुकहरूले सामाजिक सञ्जालमार्फत शुभकामना व्यक्त गरेका छन्। ज्ञानेन्द्र नेपालको इतिहासमा दुई पटक राजगद्दीमा पुगेका व्यक्ति हुन्। बाल्यकालमा छोटो अवधिका लागि राजा घोषणा गरिएका उनी वि.सं. २०५८ सालको राजदरबार हत्याकाण्डपछि तत्कालीन राजा वीरेन्द्र शाहसहित राजपरिवारका अधिकांश सदस्यको निधन भएपछि राजगद्दीमा बसेका थिए।
पछि वि.सं. २०६२ ०६३ को जनआन्दोलनले राजतन्त्रविरुद्धको आन्दोलनलाई निर्णायक मोडमा पुर्यायो। त्यसपछि वि.सं. २०६५ जेठ १५ गते संविधानसभाले नेपाललाई संघीय लोकतान्त्रिक गणतन्त्र घोषणा गर्दै २४० वर्ष पुरानो राजसंस्थाको औपचारिक अन्त्य गरेको थियो। त्यसयता ज्ञानेन्द्र शाह पूर्वराजाका रूपमा सार्वजनिक जीवनमा सक्रिय रहँदै आएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |