काठमाडौँ : अमेरिकी राष्ट्रपति डोनाल्ड ट्रम्पले भोटेकोशीमा आएको भिषण बाढीबाट प्रभावित नेपाललाई अमेरिकाले आवश्यक सम्पूर्ण सहयोग गर्ने प्रतिबद्धता जनाएका छन्। ह्वाइट हाउसमा आयोजित एक कार्यक्रमपछि सञ्चारकर्मीसँग कुरा गर्दै उनले नेपालको क्षतिप्रति चासो व्यक्त गर्दै राहत र पुनरुत्थानका लागि अमेरिका तयार रहेको बताएका हुन् ।
अमेरिकी समाचार संस्था एनबिसी न्यूजका अनुसार राष्ट्रपति ट्रम्पले भोटेकोशी बाढीबाट भएको जनधनको क्षतिबारे नेपाली अधिकारीहरूसँग जानकारी लिइसकेको उल्लेख गर्दै विपद्को यो घडीमा अमेरिका नेपालको साथमा रहने बताए। “नेपाललाई आवश्यक पर्ने जस्तोसुकै सहयोग गर्न अमेरिका तयार छ,” ट्रम्पको भनाइ उद्धृत गर्दै एनबिसीले जनाएको छ।
लेक ओन्टारियोको नाम परिवर्तनसम्बन्धी कार्यकारी आदेशमा हस्ताक्षर गर्न आयोजित समारोहपछि ट्रम्पले नेपालप्रतिको सहयोग सद्भाव प्रकट गरेका हुन्। बाढीका कारण उत्तरी सीमावर्ती क्षेत्रमा ठूलो भौतिक क्षति भइरहेका बेला अमेरिकाका तर्फबाट यस्तो प्रतिबद्धता आएको हो।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |