राहत कोषमा एकै दिन साढे ३८ करोड संकलन

काठमाडौँ :  प्राकृतिक विपत्तिमा परेका रसुवाका बाढीपीडितको उद्धार र पुनःस्थापनाका लागि निजी क्षेत्र तथा परोपकारी संस्थाहरूले ठूलो रकम जुटाएका छन्। शुक्रबार अर्थ मन्त्रालय पुगेर २७ विभिन्न कर्पोरेट घराना र व्यक्तिहरूले अर्थमन्त्री डा.स्वर्णिम वाग्लेमार्फत प्रधानमन्त्री दैवीप्रकोप उद्धार कोषमा एकै दिन ३८ करोड ५६ लाख ६४ हजार रुपैयाँ हस्तान्तरण गरेका हुन्।

बाढीप्रभावितको सहयोगार्थ सूर्य नेपाल प्रालिले सबैभन्दा ठूलो १५ करोड रुपैयाँको आर्थिक योगदान गरेको छ। वित्तीय क्षेत्रतर्फ प्राइम बैंकले ३ करोड १० लाख, कृषि विकास बैंकले ३ करोड र नेपाल लाइफ इन्स्योरेन्सले २ करोड ५१ लाख रुपैयाँ उपलब्ध गराएका छन्।

उद्योगी विजयकुमार शाह, राजी राणाले व्यक्तिगत १ करोड ९ लाख ८० हजार र पद्मज्योति समूहसहित डब्लूडब्लूएफ, जावलाखेल डिस्टिलरी, मोरङ अटो वर्क्स, एग्रो थाईफुड्स जस्ता १४ भन्दा बढी संघ(संस्थाले १(१ करोडभन्दा बढीको चेक हस्तान्तरण गरे। सिमेन्ट उत्पादक संघ, मुक्तिनाथ र लुम्बिनी विकास बैंक लगायत साना(ठूला व्यवसायिक प्रतिष्ठानहरूले पनि मोटो रकम कोषमा जम्मा गराएका छन्।