भूग्देउ : नेपाली कांग्रेस बेथानचोक गाउँपालिका वडा नंवर ६ कार्यसमिति भूग्देउले जेष्ठ नागरिक भएका क्रियाशील सदस्यलाई सम्मान गरेको छ।
शनिबार आयोजित व्यक्तित्व सम्मान, कार्यकर्ता भेला एवं पार्टी प्रवेश कार्यक्रममा उनीहरूलाई खाद्यान्न, लौरो उपहारसहित दोसल्ला ओढाएर सम्मानीत गरिएको हो । कार्यक्रममा केन्द्रीय सदस्य शिवप्रसाद हुमागाईले एकता र सहकार्यले नै कांग्रेस बलियो हुने बताउदै सुशासन, समृद्धि र विकासमा कांग्रेस जनतासँग रहेको सुनाए । केन्द्रीय सदस्य गणेश लामाले युवाहरुले कांग्रेसको नीति, सिद्धान्त र आदर्शलाई जनजनमा लैजान पर्नेमा जोड दिएका छन् ।
नेपाली कांग्रेस काभ्रेका सभापति तथा बागमती प्रदेशसभा सदस्य रहेका पूर्वमन्त्री तीर्थ बहादुर लामाले विकास निर्माण र सुशासनका गतिविधिमा जनताले कांग्रेससँग धेरै अपेक्षा गरेकोले त्यो पुरा गर्नु कांग्रेसको अभिभारा रहेको उल्लेख गरे । नेपाली कांग्रेस बेथानचोक वडा नं। ६ का सभापति भीमबहादुर लामाको सभापतित्वमा सम्पन्न कार्यक्रममा जिल्ला सदस्यद्वय दुर्गा प्रसाद अधिकारी, सन्जय लामा,नेपाली कांग्रेस काभ्रे प्रतिनिधि सभा १ प्रदेश सभा २ का सभापति चन्द्र लामा, बेथानचोक गाउँपालिकाका अध्यक्ष भगवान अधिकारी, नेपाल लोकतान्त्रिक आदीवासी जनजाती महासंघ काभ्रेका सभापति रोशन लामा, तरुण दलका केन्द्रीय सदस्य रोशन पाण्डे, प्रतिनिधि सभा १ प्रदेश सभा २ का सदस्य रामकुमार घोले, तरुण दल जिल्ला सचिव सुरज तिमल्सिनालगायतका नेताहरुले कांग्रेसकै नेतृत्वमा संविधान र विकास निर्माण भएको भन्दै जनताको पक्षमा सदैव काम गर्ने प्रतिबद्धता जनाए ।
नेपाली कांग्रेस बेथानचोक वडा नं ६ को प्रतिनिधित्व गर्दै विभिन्न क्षेत्रमा सफलता हासिल गरेका व्यक्तित्वहरुलाई सम्मान गरिएको थियो । कार्यक्रममा विभिन्न पार्टी परित्याग गरी ३३ जना नेपाली कांग्रेसमा प्रवेश गरेको वडा सभापति भीम बहादुर तामाङले जानकारी दिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |