काठमाडौं : भूमिसम्बन्धी केही नेपाल ऐनलाई संशोधन गर्ने विधेयक संसदको आजको कार्यसूचीबाट हटाइएको छ। सत्तारूढ दल नेपाली कांग्रेसले विधेयकमाथि थप छलफल आवश्यक रहेको भन्दै दफावार छलफलको चरणमा नराख्न दबाब दिएपछि कार्यसूचीबाट हटाइएको हो।
भूमि व्यवस्था, सहकारी तथा गरिबी निवारणमन्त्री बलराम अधिकारीले आजको बैठकमा विधेयक प्रस्तुत गर्ने तयारी गरे पनि कांग्रेस सांसदहरूले संसदीय समितिमा छलफलबिना विधेयक पारित गर्न नमिल्ने अडान राखेका थिए।
कांग्रेस सांसदहरूले विधेयकमा संशोधन प्रस्ताव दर्ता गराउँदै प्रतिनिधिसभाको बैठकको कार्यसूचीबाट नै हटाउन दबाब दिएका थिए।
यही विवादका बीच संसद् सचिवालयले ‘महिला तथा सामाजिक मामिला समितिको प्रतिवेदन’, ‘बालबालिका सम्बन्धी विधेयक’ र ‘संवैधानिक परिषद् ९काम, कर्तव्य, अधिकार र कार्यविधि विधेयकमाथि विचार गरियोस्’ भन्ने प्रस्तावहरूलाई आजको कार्यसूचीमा राखेको छ। भूमि विधेयकको विषयमा कांग्रेस भित्रकै मतभेद र संशोधनको चाप रहेकाले संसद्को औपचारिक प्रक्रिया अघि नबढ्ने सम्भावना छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |