काठमाडौँ : राहदानी विभागले नयाँ प्रणाली कार्यान्वयनको तयारी अन्तिम चरणमा पुगेको भन्दै केही दिन राहदानी सेवा स्थगित हुने जनाएको छ।
हाल सञ्चालनमा रहेको प्रणालीबाट नयाँ प्रणालीमा रूपान्तरण गर्नुपर्ने भएकाले जिल्ला प्रशासन कार्यालय, इलाका प्रशासन कार्यालय तथा विदेशस्थित नेपाली नियोगबाट प्रदान गरिने राहदानी सेवा असार २४ देखि २६ गतेसम्म बन्द रहने विभागले जनाएको छ।
विभागका अनुसार राहदानी विभागबाट प्रत्यक्ष प्रदान गरिने सेवा भने असार २५ र २६ गते दुई दिनका लागि स्थगित हुनेछ। प्रणाली परिवर्तनको काम सम्पन्न भएपछि नयाँ प्रणालीमार्फत नियमित सेवा सञ्चालन गरिने विभागले जनाएको छ। विभागले सेवाग्राहीलाई आवश्यक परे राहदानीसम्बन्धी काम समय मिलाएर गर्न आग्रह गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |