काठमाडौँ : नेपाली कांग्रेसले ‘जरा अभियान’ सम्पन्न भएलगत्तै नागरिकका सम्भावित समस्या पहिचान र उठानमा केन्द्रित नयाँ अभियान सुरु गर्ने भएको छ। साउन ६ गते जरा अभियानको समापनपछि साउन ७ देखि भदौ २४ सम्म सञ्चालन हुने नयाँ अभियानको घोषणा गरिने पार्टीले जनाएको छ।
४४औँ बिपी स्मृति दिवसका अवसरमा नीति प्रतिष्ठानले आयोजना गरेको कार्यक्रममा सभापति गगन थापाले कांग्रेस अब कुनै घटना भएपछि मात्र प्रतिक्रिया जनाउने दलका रूपमा सीमित नरहने बताए। बरु जनताले भोग्न सक्ने सम्भावित समस्यालाई समयमै उजागर गर्दै समाधानका पक्षमा सक्रिय रहने उनले उल्लेख गरे।
उपसभापति तथा नीति प्रतिष्ठान प्रमुख विश्वप्रकाश शर्माका अनुसार साउन ६ गते पाँच किलोमिटर ‘ग्रिन रन’, चित्रकला प्रदर्शनी र संवाद कार्यक्रम आयोजना गरिनेछ। यस वर्ष बिपी स्मृति दिवसका कार्यक्रम जलवायु परिवर्तन र त्यसका प्रभावमा केन्द्रित हुनेछन्। साउन ७ गते राष्ट्रिय सभागृहमा विचार गोष्ठीसमेत आयोजना गरिने उनले जानकारी दिए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |