भगवती मानव कल्याण संगठनको काठमाडौं उपत्यका स्तरीय पदयात्रा

काठमाडौं :  देशलाइ नशामुक्त घोषणा गर्न माग गर्दै भगवती मानव कल्याण सङ्गठनले काठमाडौँ उपत्यका स्तरीय नशामुक्ति जनजागरण पदयात्रा गरेको छ ।

नशामुक्त नेपाल–समृद्ध नेपालको मूल नारासहित संगठनले पदयात्रा सम्पन्न गरेको हो । पदयात्राको माध्यमबाट तीन तहका जनप्रतिनिधि एवम् सरोकारवाला निकायलाई ज्ञापन मार्फत देशलाई नशामुक्त घोषित गर्न खबदारी गर्ने संगठनले जनाएको छ । पदयात्रामा हजारौं व्यक्तिहरु नशामुक्ति अभियानका अन्तराष्ट्रिय अभियन्ता सिद्धाश्रम–रत्न श्रद्धेय अजय अवस्थी र नेपाल सरकारका जनप्रतिनिधीहरुको साथमा १० किलोमिटरको पदयात्रामा सहभागी भएका थिए ।पदयात्राको क्रममा यात्रु एवम् घर(घरबाट निस्किएका सहभागिहरुले नशामुक्त नेपाल घोषणाको अभियानलाई समर्थन जनाएका थिए । कयौँ व्यक्तिहरुले अभियानलाई समर्थन जनाउँदै पुष्प वर्षा सहित मार्गमा स्वागत गरेका थिए । पत्रयात्राको रुटमा नशामुक्त नेपालका लागि गरिएको हस्ताक्षर संकलनमा समेत हजारौँले हस्ताक्षर गरेर सहमति जनाएका छन । कार्यक्रम अन्तर्गत संगठनले नशामुक्त नेपालका लागि १० हजार हस्ताक्षर संकलन अभियान गरिसकेको छ ।

पदयात्रा ललितपुरको मंगलबजार पाटन दरवार स्क्वायर क्षेत्र स्थित कृष्णमन्दिर प्रांगणबाट शुभारम्भ भएको थियो। यस्तै पाटन कृष्णमन्दिरबाट –प्रभात मावि त्यागल– महावौध मन्दिर वकुबहाल–थैना– टंगल– ईति टंगल– प्रयागपोखरी– लगनखेल बसपार्क – नमुना मछिन्द्र मा बि– पाटनहस्पिटल – ईखालखु– पुर्णचन्दी मन्दिर– मानभवन–जावलाखेल –पुल्चोक – ललितपुर महानगरपालिका–मदनस्मारक स्कुल – नः टोल– गाँबहाल– महापाल हुँदै पुन पाटन दरवार स्क्वायर कृष्ण मन्दिरमा पुगेर समापन भएको थियो । कार्यक्रमको समापन समयमा सिद्धाश्रम रत्न श्री अजय अवस्थीले अधिकांश युवा नशाले ग्रसित भएको भन्दै देशको भविष्यका लागि नशामुक्त नेपाल घोषणा हुनु अतिआवश्यक रहेको बताए । देशको समृद्धिमा हरेक किसिमका नशाजन्य पदार्थ बाधक भएको उनको भनाई छ । संगठनले विगत १६ बर्षदेखि नशामुक्ति अभियानमा सक्रिय रुपमा कार्य गर्दै आएको स्मरण गर्दै उहाँले नेपालमा हजारौँ परिवारलाई नशामुक्त गरिसकेको दाबी गरे ।

यस्तै सचिव डा।मिनु सिग्देललेशक्तिचेतना जनजागरण शिविर, योग, ध्यान, प्राणायाम लगायत अष्टांग योगका क्रमबाट उल्लेखनीय संख्यामा युवाहरुको जिवनमा परिवर्तन आएको बताए । यस्तै, संगठनले “एकवृक्षराष्ट्रकोनाममा”भन्नेमुलनारासहित२०८१श्रावणदेखिदेशव्यापी१करोड वृक्षारोपण अभियान सञ्चालन गरेको छ । संगठनद्वारा आम जनसमूदायको सहयोगमा मेचिदेखि महाकालीसम्म जारी वृक्षारोपण अभियान तिब्र रुप अघि बढिरहेको सचिव डा.मिनु सिग्देलले बताइन् । संगठले नशामुक्त नेपाल–समृद्ध नेपालको देशव्यापी अभियान अन्तर्गत अध्यात्मि अनुष्ठान, पदयात्रा, सचेतना र खबरदारीका विविध कार्यक्रमको आयोजना गर्दै आएको छ ।

संगठनले विगत १६ बर्षदेखि नशामुक्ति अभियानमा सक्रिय रुपमा कार्य गर्दै आएको छ । समाजमा व्याप्त धार्मिक आडम्बर, सामाजिक कु–संस्कार तथा राजनीतिक भ्रष्टाचार बिरुद्ध जनचेतना फैलाउँदै आएको छ । यस्तै जातिभेद–छुवाछुत, बलिप्रथा, दाइजो प्रथा, नास्तिकता, साम्प्रदायिकता, चरित्रहिनता लगायतका कु–संस्कारबाट ग्रसित मानव समाजलाई हाम्रो मुल सनातन संस्कृति ऋषिकालिन परम्परासँग जोड्न विबिध कार्यक्रमको सञ्चाल गर्दै आएको छ । चेतनावान, कर्मवान, सामथ्र्यवान, आत्मवान, परोपकारी, क्षमाशील, त्यागपूर्ण, सौर्य, साहस, पराक्रम लगायत मानवीय मूल्य मान्यताले परिपूर्ण आध्यात्मिक समाज निर्माण हेतु यो संगठन सतत् सक्रिय रहेको छ । संगठनले शक्तिचेतना जनजागरण शिविर, योग, ध्यान, प्राणायाम, मन्त्रजप लगायत अष्टांग योग र नवधा भक्तिका क्रमहरु अपनाउँदै नेपालमा हजारौँ व्यक्तिहरुलाई नशामुक्त गरिसकेको छ ।