काठमाडौं : नेपाली कांग्रेसका वरिष्ठ नेता डा. शेखर कोइरालाले देश जटिल मोडमा पुगेको भन्दै सत्ता सञ्चालनको चाबी कांग्रेसले खोस्नुपर्ने बताएका छन्।
शनिबार भक्तपुरमा आयोजित एक कार्यक्रममा बोल्दै उनले कांग्रेस सरकारमा रहेको भए पनि वास्तविक सत्ता वामपन्थीहरूको नियन्त्रणमा रहेको टिप्पणी गरेका हुन् । डा.कोइरालाले कांग्रेसलाई मध्यममार्गी विचारधाराको पार्टीका रूपमा परिभाषित गर्दै यसले कमजोर भएमा देश अराजकतातर्फ जाने चेतावनी दिए।
उनले एमालेलाई आगामी प्रतिस्पर्धीको रूपमा उल्लेख गर्दै, कार्यकर्तालाई सत्यका पक्षमा उभिन आग्रह गरेका छन् । “एमालेले गलत गर्यो भने त्यसलाई गलत भन्न सक्नुपर्छ। गलतलाई गलत भन्न नसक्ने कांग्रेसका कार्यकर्ता होइनन्,” कोइरालाले भने। उनको भनाइमा, कांग्रेसभित्र आत्मविश्वासको खाँचो, सत्ता नीति र कार्यशैलीप्रतिको विमर्श अब अपरिहार्य बनेको छ।
