काठमाडौँ : इरानका सर्वोच्च नेता मोज्तबा खामेनीको स्वास्थ्य अवस्था गम्भीर बनेपछि उनलाई अस्पताल भर्ना गरिएको दाबी इजरायली सञ्चारमाध्यमहरूले गरेका छन्। इरानभित्रका स्रोतलाई उद्धृत गर्दै खामेनीको अवस्था ‘अत्यन्त गम्भीर’ रहेको दाबी गरिएको हो ।
जेरुसेलम पोस्टले पनि स्रोतलाई उद्धृत गर्दै उनको स्वास्थ्य अवस्थाबारे इरानको उच्च राजनीतिक तहमा चिन्ता बढेको जनाएको छ। इरानवायर र राष्ट्रपति मसुद पेजेस्कियानको प्रशासननिकट स्रोतलाई उद्धृत गर्दै च्यानल १४ ले खामेनीको अवस्था गम्भीर रहेको उल्लेख गरेको छ।
अमेरिका र इजरायलको संयुक्त हवाई हमलामा तत्कालीन सर्वोच्च नेता अयातोल्लाह अली खामेनीको मृत्यु भएपछि गत फेब्रुअरी २८ मा मोज्तबाले नेतृत्व सम्हालेका थिए। तर त्यसयता उनी सार्वजनिक रूपमा देखिएका छैनन्।
रिपोर्टअनुसार आक्रमणको पहिलो दिन उनी पनि घाइते भएका थिए। राष्ट्रपति पेजेस्कियानले समेत खामेनीसँग प्रत्यक्ष सम्पर्क अहिले ‘निकै कठिन’ रहेको बताएका छन्। यद्यपि इरानी अधिकारीहरूले उनको स्वास्थ्यबारे सार्वजनिक भएका दाबीहरू अस्वीकार गर्दै आएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |