काठमाडौं : क्यामेराको लेन्सबाट खिचिएका तस्बिरहरूलाई नयाँ जीवन दिन अब आर्टिफिसियल इन्टेलिजेन्स (एआई) ले महत्त्वपूर्ण भूमिका खेल्ने भएको छ।
काठमाडौँ फोटोग्राफर संघ (केपिए)ले आयोजना गरेको “Learn the Power of AI in Photo Editing” नामक एकदिने बृहत् कार्यशालाले यसै सन्देशलाई प्रस्ट पारेको छ। बसुन्धारास्थित दियालो फुडल्यान्ड एन्ड ब्यान्क्वेटमा सम्पन्न यो कार्यशाला प्रतिष्ठित फोटोग्राफरहरू, फ्रिलान्सर, स्टुडियो सञ्चालक तथा फोटोप्रेमीहरूको उल्लेख्य उपस्थिति रहेको थियो ।
एडोब एक्सपर्टबाट प्रत्यक्ष प्रशिक्षण, एआईको चमत्कार प्रत्यक्ष अनुभव
कार्यशालाको मुख्य आकर्षण एडोब सर्टिफाइड एक्सपर्ट के.गणेश (भारत) को प्रत्यक्ष प्रशिक्षण रह्यो। उनले एआई आधारित फोटो सम्पादनका आधुनिक प्रविधिहरूबारे सहभागीहरूलाई गहिरो ज्ञान दिए।Face enhancement (अनुहार सुधार), background replacement (पृष्ठभूमि परिवर्तन), र cinematic color grading (सिनेम्याटिक रङ संयोजन) जस्ता विषयहरूमा विस्तृत व्याख्यानका साथै प्रत्यक्ष प्रात्यक्षिक प्रदर्शन गरियो। सहभागीहरूले थोरै समयमै कसरी फोटोमा आश्चर्यजनक परिवर्तन ल्याउन सकिन्छ भन्ने कुराको प्रत्यक्ष अनुभव गरे। यो प्रविधिले फोटोग्राफरहरूको कामलाई अझ सहज, छिटो र प्रभावकारी बनाउन सक्ने सम्भावना देखाएको छ।
अध्यक्षको प्रतिबद्धतास् अन्तर्राष्ट्रिय स्तरको नेपाली फोटोग्राफी
काठमाडौँ फोटोग्राफर संघका अध्यक्ष हरिप्रसाद घिमिरेले कार्यशालाको सफलताप्रति खुसी व्यक्त गर्दै सहभागीहरूलाई धन्यवाद दिए। उनले भने, ूहाम्रो उद्देश्य नेपाली फोटोग्राफी व्यवसायमा नवीनतम प्रविधिको ज्ञान पुर्याउने हो। यस कार्यशालाले त्यो यात्रालाई अझ सशक्त बनाएको छ।ू घिमिरेले प्एब् फोटोग्राफरहरूलाई प्राविधिक रूपमा सशक्त बनाई अन्तर्राष्ट्रिय स्तरमा लैजाने अभियानमा कटिबद्ध रहेको बताए।
कार्यशालामा सहभागीहरू अत्यन्त सन्तुष्ट देखिन्थे। धेरैले एआई(आधारित फोटो सम्पादनलाई अब आफ्नो व्यावसायिक सेवामा समावेश गर्ने योजना बनाएका छन्। केही युवा फोटोग्राफरहरूले त यो कार्यशालालाई आफ्नो करियरको गेम चेन्जरु को रूपमा अनुभव गरेको बताए।
Photo Concern को सहयोगमा सम्पन्न भएको यस कार्यक्रमको संयोजकत्व चन्द्रलाल राईले गरेका थिए भने संस्थाका सचिव रेशमराजा पण्डितले कार्यक्रम सञ्चालन गरेका थिए। काठमाडौँ फोटोग्राफर संघले आगामी दिनमा पनि यस्ता प्राविधिक कार्यशालाहरूलाई निरन्तरता दिने प्रतिबद्धता जनाएको छ। एआई प्रविधिको आगमनसँगै नेपाली फोटोग्राफीको भविष्य अझ उज्ज्वल देखिन्छ, जसले सिर्जनात्मकता र प्रविधिलाई एकसाथ अगाडि बढाउनेछ।
