काठमाडौँ : उज्वेकिस्तानमा जारी एएफसी महिला एसियन कप छनोट अन्तर्गत समूह ‘एफ’ को अन्तिम तथा निर्णायक खेलमा नेपालले आज घरेलु टोली उज्वेकिस्तानसँग भिड्दैछ। मिलि स्टेडियममा हुने खेल नेपाली समयअनुसार राति ९ः १५ बजे सुरु हुनेछ।
यस खेलमा विजेता टोलीले आगामी वर्ष अष्ट्रेलियामा हुने महिला एसियन कपको यात्रा तय गर्नेछ भने पराजित टोली प्रतियोगिताबाट बाहिरिनेछ।
नेपाल र उज्वेकिस्तानले यसअघि खेलेका दुवै खेलमा सहज जित निकालेका थिए। नेपालले पहिलो खेलमा लाओसलाई ९–० र दोस्रो खेलमा श्रीलंकालाई ८–० ले हराएको थियो। त्यस्तै, उज्वेकिस्तानले श्रीलंकालाई १०–० र लाओसलाई ७–० ले पराजित गर्यो।
दुवै टोलीको अंक र गोल अन्तर समान भएकोले खेल बराबरी भएमा नतिजा टाइब्रेकरबाट टुंग्याइने एएफसीको नियम छ। यसले खेललाई ‘फाइनलसरह’ बनाएको छ।
यद्यपि फिफा वरियताको आधारमा उज्वेकिस्तान नेपालभन्दा बलियो देखिन्छ। उज्वेकिस्तान फिफा वरियतामा नेपालभन्दा ४९ स्थान माथि छ, जुन नेपालका लागि चिन्ताको विषय हुनसक्छ।
नेपालले यो निर्णायक खेल जित्न सक्नेछ वा छैन भन्ने प्रश्नको जवाफ मैदानमै फेला पर्नेछ, तर हालसम्म देखाएको उत्कृष्ट प्रदर्शनले नेपाली टिममा आत्मविश्वास भरिएको छ।
यो ुडु अर डाइु खेलले नेपाली महिला फुटबल टोलीको भविष्यको दिशा निर्धारण गर्नेछ।
