काठमाडौँ : एसियाली खेलकुद क्रिकेट छनोटअन्तर्गत नेपाली पुरुष टोलीले चीनसामु विशाल ३१४ रनको लक्ष्य प्रस्तुत गर्दा कुशल भुर्तेलले कीर्तिमानी विस्फोटक ब्याटिङ गरेका छन् ।
टस हारेर पहिले ब्याटिङ गरेको नेपालले निर्धारित २० ओभरमा उच्च स्कोर खडा गर्ने क्रममा भुर्तेलले ४३ बलमा १२९ रनको अविश्वसनीय इनिङ्स खेले। उनले नवौँ ओभरका सबै ६ बलमा छक्का प्रहार गर्दै दीपेन्द्रसिंह ऐरीको नाममा रहेको एक ओभरमा ६ छक्का प्रहार गर्ने कीर्तिमानी समेत बराबरी गरे । नेपालका लागि कुशल मल्लले ८५ तथा कप्तान रोहित पौडेलले ६९ रनको योगदान दिए।
उता मलेसियामा जारी महिला प्रतियोगितामा नेपाल वर्षाका कारण प्रभावित बनेको छ। टस हारेर पहिले ब्याटिङ गरेको नेपाली टोलीले २।२ ओभरमा ३ विकेट गुमाएर ७ रन बनाएको अवस्थामा खेल रोकिएको थियो। एसियाली खेलकुदमा छनोट सुनिश्चित गर्न नेपाललाई चीनविरुद्धको खेल जित्नैपर्ने दबाब छ। सेमिफाइनलमा मलेसियासँग पराजित भएपछि नेपालले प्रत्यक्ष छनोटको अवसर गुमाएको थियो। प्रतियोगिताका दुई समूहबाट शीर्ष दुई टोली एसियाली खेलकुदका लागि छनोट हुने प्रावधान छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |