काठमाडौं : काठमाडौं महानगरपालिकाले आज आर्थिक वर्ष २०८२८३ का लागि बजेट प्रस्तुत गर्ने भएको छ।
शुक्रवार बसेको कार्यपालिका बैठकले आइतबार दिउँसो २ बजे नगरसभा बोलाउने निर्णय गरेपछि सोही सभामार्फत बजेट ल्याउन लागिएको हो।
देशका ६ वटा महानगरपालिकामध्ये काठमाडौँ बाहेक बाँकी पाँचले तोकिएको समयमै बजेट सार्वजनिक गरिसकेका छन्। तर, काठमाडौँ महानगरमा आन्तरिक विवादका कारण बजेट प्रक्रिया ढिलो भएको थियो।
आजको नगरसभामा नीति तथा कार्यक्रमसहित बजेट प्रस्तुत गरिने छ। अब नगरसभाबाट स्वीकृति प्राप्त भएपछि नयाँ आर्थिक वर्षका लागि बजेट कार्यान्वयनको बाटो खुल्नेछ।
