त्रिशूलीमा ह्वात्तै बढ्यो जलसतह, तटीय क्षेत्र जोखिममा

काठमाडौँ :  अविरल वर्षाबिनै बिहानै भोटेकोसी नदीमा आएको अकस्मात् बाढीले त्रिशूली नदीको बहाव बढेको छ । माथिल्लो तटीय क्षेत्रमा पहिरो खसेर वा कृत्रिम ताल फुटेर बाढी आएको अनुमान गरिएको छ, जसका कारण त्रिशूलीमा आधा घण्टामै तीन मिटर जलसतह माथि उक्लिएको छ।

बाढी पूर्वानुमान महाशाखाका अनुसार बिहान ४ बजेतिर जिल्ला प्रहरी कार्यालय रसुवाबाट ठूलो आवाजसहित बाढी आएको खबर प्राप्त भएको थियो। वर्षाका कारण नभई माथिल्लो क्षेत्रमा कुनै प्राकृतिक अवरोध फुटेकाले यस्तो स्थिति सिर्जना भएको महाशाखाको भनाइ छ।

बिहान ६ः १० बजे गल्छीस्थित त्रिशूलीको जलमापन केन्द्रका साथै कालीखोलामा समेत जलसतह तीव्र रूपमा बढेको छ। बाढीको पूर्ण विवरण संकलन भइरहेको र नदी आसपासका बासिन्दालाई तत्काल उच्च सतर्कता अपनाउन महाशाखाले अपिल गरेको छ।