काभ्रे : काभ्रेको नमोबुद्ध नगरपालिकाले आगामी आर्थिक वर्ष २०८३र८४ का लागि ९१ करोड ३६ लाख ४३ हजार ९ सय १८ रुपैयाँको बजेट सार्वजनिक गरेको छ। नगरसभाको नवौँ अधिवेशनमा नगर प्रमुख कुनसाङ लामाले नीति तथा कार्यक्रम प्रस्तुत गर्दै स्थानीय उत्पादन, रोजगारी सिर्जना, उद्यमशीलता प्रवर्द्धन तथा लगानीमैत्री वातावरण निर्माणलाई प्राथमिकतामा राखिएको बताए।
नीति तथा कार्यक्रममा सामाजिक सुरक्षा भत्ता घरदैलोमै उपलब्ध गराउने, शैक्षिक जनशक्ति व्यवस्थापन, विद्यालयमा अभिभावकको सहभागिता बढाउने तथा आधारभूत स्वास्थ्य सेवाको गुणस्तर सुधार गर्ने योजना समेटिएका छन्। आयुर्वेद चिकित्सा प्रवर्द्धन, फोहोर व्यवस्थापन, जलवायु परिवर्तन तथा दिगो विकाससम्बन्धी कार्यक्रमलाई पनि प्राथमिकता दिइएको छ।
नगरपालिकाले विपद् व्यवस्थापन कोषमा २ करोड रुपैयाँ विनियोजन गरेको छ। दाहालचौरस्थित निर्माणाधीन कोल्डस्टोर एक वर्षभित्र सञ्चालनमा ल्याइने जनाइएको छ। चालु आर्थिक वर्षमा नगरको राजस्व २० प्रतिशतले वृद्धि भएको प्रमुख कार्यकारी अधिकृत कृष्ण गिरीले जानकारी दिए।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |