भोटेकोशी नदीमा आएको विनाशकारी बाढीपछि नेपाली सेनाले जोखिमयुक्त सुरुङ (टनेल) र दुर्गम क्षेत्रमा केन्द्रित भई ८ हजार ९ सयभन्दा बढी फौज उतारेको छ । सोमबार हवाई, जमिनी र टनेल रेस्क्यु टोलीले विदेशी (जर्मन) नागरिकसहित १०९ जनाको जीवितै उद्धार गरेको छ।
सैनिक मुख्यालयका अनुसार बाढीले ठप्प पारेका त्रिशूली थ्री एु, थ्री बी, चिलिमे, अपर त्रिशूली १ र लाङटाङ जलविद्युत् आयोजनाका सुरुङभित्र विदेशी विज्ञसहितको संयुक्त टोली परिचालित छ। लाङटाङ हाइड्रोको टनेलबाट सेनाले एक शव संकलन गरेको छ भने अन्य सुरुङमा कम्प्रेसरमार्फत हावा पठाउने र पानी निकाल्ने काम तीव्र पारिएको छ।
उद्धारकै क्रममा टिमुरे इलाकाबाट फेला परेका ५ वटा सेफ ३ नेपाली र २ चिनियाँ अक्षर भएका सेफ सेनाले सशस्त्र प्रहरीलाई हस्तान्तरण गरेको छ। रसुवाको टिमुरेदेखि नुवाकोट, धादिङ, चितवन र नवलपरासी पूर्वसम्म फैलिएको प्रभावित क्षेत्रमा टोलीले आपत्कालीन उपचार केन्द्रहरूमार्फत सोमबार १६५ जना घाइतेको उपचारसमेत गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |