काठमाडौँ : बाराकी गरिमा चौधरीको बलात्कारपछि हत्या अभियोगमा समातिएका किशोरको संवेदनशील बयान कक्षभित्रै खिचेर सामाजिक सञ्जालमा भाइरल बनाएको आरोपमा एक प्रहरी जवान पक्राउ परेका छन् ।
आरोपी प्रहरीमाथि गोपनीयता भङ्ग गरेको अभियोगमा मुलुकी अपराध संहिताअनुसार फौजदारी कसुरमा कारबाही प्रक्रिया अघि बढाइएको छ। नाबालक आरोपीले कसुर स्वीकार गर्दै अपराधको सम्पूर्ण विवरण खोलिरहेको भिडियो बाहिरिएपछि नेपाल प्रहरीको अनुसन्धान प्रक्रिया, मर्यादा र सुरक्षामाथि चौतर्फी प्रश्न उठेको छ।
भिडियो रेकर्डिङका क्रममा बयान कक्षमा उपस्थित अन्य प्रहरी कर्मचारीहरूमाथि पनि सूक्ष्म छानबिन थालिएको प्रहरीले जनाएको छ। नागरिकको अधिकार र अनुसन्धानको गोपनीयता जोगाउनुपर्ने जिम्मेवार निकायभित्रैबाट कानुनको उल्लंघन भएपछि यस घटनाले कानुनी र प्रहरी वृत्तमा गम्भीर तरंग सिर्जना गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |