काठमाडौँ : मनसुनी वायुको प्रभावका कारण आज देशभर आंशिकदेखि साधारणतया बदली भई अधिकांश स्थानमा मध्यमदेखि भारी वर्षाको सम्भावना रहेको छ। जल तथा मौसम विज्ञान विभाग, मौसम पूर्वानुमान महाशाखाका अनुसार मनसुनको न्यून चापीय रेखा पश्चिमतर्फ सरदर स्थानभन्दा उत्तर अर्थात् नेपाल नजिक रहेकाले वर्षाको प्रभाव बढेको हो।
महाशाखाका अनुसार आज दिउँसो र राति गण्डकी, लुम्बिनी, कर्णाली र सुदूरपश्चिम प्रदेशका धेरैजसो पहाडी तथा तराई भूभागमा मेघगर्जन र चट्याङसहित मध्यमदेखि भारी वर्षाको सम्भावना छ। विशेष गरी सुदूरपश्चिम प्रदेशका पहाडी तथा तराईका एक–दुई स्थानमा ‘धेरै भारी’ वर्षा हुन सक्ने महाशाखाले जनाएको छ।
पहिरो, गेग्रान बहाव तथा नदीमा बाढीको जोखिम उच्च रहेकाले कृषि, पर्यटन, सडक तथा हवाई यातायात प्रभावित हुन सक्ने भन्दै विभागले सर्वसाधारण र सरोकारवाला निकायलाई आवश्यक सतर्कता अपनाउन आग्रह गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |