काठमाडौँ : रसुवा केन्द्रविन्दु भई आएको भीषण बाढीका कारण हालसम्म ९ सय ३ जनाको मृत्यु भएको पुष्टि भएको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार ४ हजार ३ सय ४७ जना अझै सम्पर्कविहीन छन् भने २ सय ६७ जना घाइते भएका छन्। बाढीबाट रसुवासहित नुवाकोट, धादिङ, गोरखा, नवलपरासी, तनहुँ र चितवन क्षेत्र बढी प्रभावित बनेका छन्।
प्रभावित क्षेत्रमा नेपाली सेना, नेपाल प्रहरी र सशस्त्र प्रहरी गरी २० हजार ८ सय ९९ जना सुरक्षाकर्मी खोज तथा उद्धारमा खटिएका छन्। हालसम्म १० हजार ४ सय ५९ जनाको सकुशल उद्धार गरिएको प्राधिकरणका प्रवक्ता शान्ति महतले जानकारी दिए। सेनाको हेलिकप्टरमार्फत ४ सय ११ उडान गरी ३ हजार ३ सय ४४ नेपाली र २ सय ५२ विदेशी नागरिकको उद्धार गरिएको छ।
सरकारले रसुवा र नुवाकोटलाई १(१ करोड, धादिङलाई ५० लाख तथा प्रभावित १५ पालिकालाई ६ करोड ७५ लाख रुपैयाँ राहत पठाएको छ। प्रभावित क्षेत्रमा खाद्यान्न र स्वास्थ्य सामग्री वितरण भइरहेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |