काठमाडौं : विश्वभर हरेक वर्ष लाखौं मानिसको ज्यान लिने सुर्तीजन्य पदार्थको प्रयोगविरुद्ध चेतना फैलाउने उद्देश्यसहित आइतबार विश्व सुर्तीजन्य पदार्थरहित दिवस मनाइँदै छ। विभिन्न देशमा जनचेतनामूलक कार्यक्रम आयोजना गरी सुर्ती सेवनका स्वास्थ्य जोखिम र नियन्त्रणका उपायबारे सन्देश प्रवाह गरिएको छ।
हरेक वर्ष मे ३१ मा मनाइने यो दिवसले सुर्ती उद्योगका व्यावसायिक रणनीति, धूमपान तथा अन्य सुर्तीजन्य पदार्थको प्रयोगबाट उत्पन्न स्वास्थ्य समस्या र भावी पुस्ताको संरक्षणका लागि आवश्यक नीतिगत तथा सामाजिक पहलमा ध्यानाकर्षण गराउने लक्ष्य राख्छ।
विश्व स्वास्थ्य सङ्गठन (डब्ल्युएचओ) सदस्य राष्ट्रहरूले सन् १९८७ मा सुर्तीजन्य पदार्थबाट हुने रोक्न सकिने मृत्यु र रोगबारे विश्वव्यापी चेतना अभिवृद्धि गर्न यो दिवसको सुरुआत गरेका थिए। डब्ल्युएचओका अनुसार विश्वभर करिब १ अर्बभन्दा कम मानिसले सुर्तीजन्य पदार्थ प्रयोग गर्ने गरेका छन्, जसको ठूलो हिस्सा निम्न तथा मध्यम आय भएका मुलुकमा बस्छन्। सुर्ती सेवनका कारण हरेक वर्ष ८० लाखभन्दा बढी मानिसको मृत्यु हुने गरेको छ भने करिब १२ लाख जनाको ज्यान निष्क्रिय धूमपानका कारण जाने गरेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |