काठमाडौँ : नेपाली कांग्रेसका प्रवक्ता डा.प्रकाशशरण महतले पार्टीको केन्द्रीय समिति बैठकमा महाधिवेशनबारे कुनै निर्णय नभएको स्पष्ट पारेका छन्।
पार्टी केन्द्रीय कार्यालय सानेपामा सोमबार बसेको बैठकपछि सञ्चारकर्मीहरूसँग कुरा गर्दै उनले महाधिवेशनबारे कुनै औपचारिक प्रस्ताव वा निर्णय नआएको बताएका हुन् । यस्तै, पार्टीले सरकारबाट आफ्ना मन्त्रीहरू फिर्ता बोलाउनेबारे छलफल भएको हो कि भन्ने सञ्चारकर्मीको जिज्ञासामा उनले प्रष्ट पार्दै भने, ‘मन्त्रीहरू फिर्ता बोलाउने सम्बन्धमा बैठकमा केही पनि छलफल भएको छैन।’
हालै कांग्रेस केन्द्रीय सदस्य मधु आचार्यसहित केही नेताले महाधिवेशन समयमै गर्नुपर्ने, सरकारको कार्यसम्पादनको समिक्षा गर्नुपर्ने लगायतका प्रस्ताव राखेका थिए। तर प्रवक्ता महतको भनाइले कांग्रेस नेतृत्व उक्त प्रस्तावमा औपचारिक रूपमा छलफलमा नउत्रिएको देखिएको छ ।
