एनपीएलमा आज प्लेअफ समीकरणका दुई खेल

काठमाडौं : नेपाल प्रिमियर लिग ९एनपीएल० क्रिकेटमा आज हुने दुई खेलले प्लेअफ समीकरणलाई थप रोचक बनाउने भएको छ। पहिलो खेलमा अंकतालिकाका दोस्रो र तेस्रो स्थानमा रहेका काठमाडौं गोर्खाज र सुदूरपश्चिम रोयल्स भिड्दैछन् भने दोस्रो खेलमा जनकपुर बोल्ट्स र चितवन राइनोजबीच प्रतिस्पर्धा हुनेछ।

कीर्तिपुरस्थित त्रिवि क्रिकेट मैदानमा दिउँसो साढे १२ बजे सुरु हुने पहिलो खेलमा दुवै टोली जित निकाल्दै शीर्ष स्थानतर्फ अघि बढ्न चाहन्छन्। पाँच खेलमा चार जितसहित ८ अंक जोडेको काठमाडौं दोस्रो स्थानमा छ। समान ८ अंक भए पनि ६ खेल खेलेको सुदूरपश्चिम तेस्रो स्थानमा छ।

यस्तै, साँझ ५ बजे हुने दोस्रो खेलमा जनकपुर र चितवन आमनेसामने हुनेछन्। पाँच खेलबाट पाँच अंक जोडेको चितवनलाई प्लेअफ सम्भावना कायम राख्न जित्नैपर्ने दबाब छ। चार अंकसहित रहेको जनकपुरलाई पनि प्लेअफ दौडमा टिकिरहन जित आवश्यक छ।