काठमाडौं : तीजका नाममा भड्किला र अश्लील शब्दले भरिएका गीतहरू बजारमा छ्यापछ्याप्ती आइरहेका बेला गायिका सुमित्रा गौतमको स्वरमा नयाँ मौलिक तीज गीत ‘छमछमी नाचौंन’ युट्युबमार्फत सार्वजनिक गरिएको छ।
हिन्दू महिलाको विशेष पर्व तीजको अवसरमा सार्वजनिक गरिएको यस गीतले पारिवारिक र सांस्कृतिक सौन्दर्यलाई प्राथमिकता दिएको छ।गीतका शब्द यमलाल गौतमले लेखेका हुन् भने संगीत तथा एरेन्ज ठाकुर सुवेदीले गरेका हुन्। बब्लु गौतमको निर्देशनमा बनेको भिडियोमा तीजको मौलिक भाव, संस्कार र उत्सवको झल्को पाइन्छ।
भिडियोमा संगीता बस्नेत, बब्लु गौतम, पुष्पा थापा र राधिका केसीको अभिनय रहेको छ। छायांकन खेमराज बुमीले गरेका छन् भने सम्पादन राज धामीले गरेका हुन्। श्रृंगार संयोजन पासाले गरेका छन्।
भिडियोको छायांकन काली नागेश्वर मन्दिर, भीमसेनगोला क्षेत्रमा गरिएको हो। गीत हुरि स्टुडियो कुपन्डोलमा रेकर्ड गरिएको हो भने निर्माण साइपाल प्रोडक्सन, शान्तिनगरले गरेको हो।
सर्जकहरूका अनुसार गीतमा भड्किला शब्द, अश्लीलता वा सांस्कृतिक विकृति नरहेको र पारिवारिक ढंगले हेर्न, सुन्न सकिने तीजको मौलिक भाव बोकेको गीत प्रस्तुत गर्न खोजिएको हो।
